[Partehartuzit] Liburu kolektiboa euskaraz + oharra aurreko bertsioetan parte hartu ez dutenentzat
Julen Zabalo
julen.zabalo a bildua ehu.eus
Ast, Abe 2, 20:53:48, CET 2021
Kaixo denoi,
liburu kolektiboaren abenturak aurrera darrai. Ingelesezkoari
eta gaztelaniazkoari buruz laster emango dizkizuegu informazio
berriak, azken txanpan sartzeko gure artikuluak. Baina orain
euskarazko bertsioari buruz hitz egin behar da. EHUko argitarapen
zerbitzuak aterako du, hori lotuta dago, baina aukera berria ireki
zaigu, eta uste dugu interesgarria izango dela.
Aukera berria unibertsitateak urtero zabaltzen duen
Ikasmaterialgintza deialdia da. Zer abantaila ekarriko liguke:
1. Euskararen kalitatea. Guk testuak euskaraz emango
genituzke, baina Euskara Zerbitzuak zuzendu eta orraztuko lituzke.
2. Argitarapen didaktikoa. Berez, liburu bateko atala da, eta
ikerketa atalean sartu liteke, baina aukera legoke, nahi izanez gero,
Irakaskuntzaren atalean sartzeko (normalean gauza gutxi edukitzen dugu
atal horretan).
Horrela egiteko, eskaera justifikatua egin behar dugu, eta
besteak beste, eskatzen dute zer irakasgaitan izan litekeen
erabilgarri. Beraz, eskatzen dizuegu:
- neuri idaztea, egin duzuen artikulua EHUk eskaintzen duen zein
irakasgaitan izan litekeen erabilgarri esanez. Irakasgaiaren gida
atxiki.
Kontuz, ez da derrigorrezkoa artikulu guztiak irakasgai batekin
edo gehiagorekin lotzea. Uste baduzue zuek egindakoa ez dela ondo
egokitzen ezein irakasgaitan, ez egin ezer ez.
Data hauek ez dira egokienak, baina informazio hori abenduaren
13rako beharko genuke.
OHARRA AURREKO BERTSIOETAN PARTE HARTU EZ DUTENENTZAT. Hau liburu
berria izango da, eta guztiz zabalik daude ateak beste artikulu batzuk
sartzera. Gai orokorra: Demokraziaren sakontzea. Baldintza:
ikasmaterialgintzan osagarri modura balio izatea
Ondo izan
--
Julen Zabalo
Parte Hartuz ikerketa taldea
Euskal Herriko Unibertsitatea (UPV/EHU)
(+34) 945 01 33 13
PartehartuzIT posta zerrendari buruzko
informazio gehiago