[Partehartuzit] Koordinatzaileen bileraren akta. Martxoaren 12
Julen Zabalo
julen.zabalo a bildua ehu.eus
Ost, Mar 18, 02:51:30, CET 2020
Kaixo denoi,
konfinamendua hasi baino egun bat lehenago, aukera eduki genuen
azpitaldeetako koordinatzaile guztiok batzeko. Hona azaldu ziren gaiak
eta iritziak.
0. Oso nabarmentzekoa da dinamika positiboan sartuta dagoela taldea.
Koordinatzaileak azpitaldea batu osteko iritzia ekartzen du, eta
aurreratu egiten dela ikusten da.
1. Azpitaldeetako informazioa iker lerroaz. Azpitalde guztiak batu
dira, eta denek ekarri dute haien iritzia. Oro har, iker lerroaz ados
gaude Sakontze demokratikoak ondo islatzen duela gure zeregina, baina
zalantza eta eztabaida dago ea nahikoa den, gure aniztasuna kontuan
hartuta, ala zerbait zehatzagoa beharko litzatekeen, horrekin oso
gutxi esaten dugu eta.
Sakontzeari lotuta Berrikuntza edo Esperientzia eraldatzaileak aipatu
dira, eta aldiz, Autoritarismoa zehatzegia izango zela komentatu da.
Ez da adostasunik lortu. Gaia oso inportantea da, zehaztapen horrek
koherentzia handiagoa emango liokeelako taldeari, baina kideon lana
markatuko luke neurri handi batean. Hori dela eta, gai honekin
jarraitzea pentsatu da, 2021ean izango den deialdi berrian zerbait
adostua eduki dezagun. Azpitaldeetan nola zehaztu pentsatu eta
hurrengo bileran jarraituko dugu gaiarekin.
2. Argitalpen kolektibo posibleaz. Argitalpenari lehentasuna ematea
pentsatu da: aukeren arabea, liburu bat ingelesez ospe handiko
argitaletxe batean. Helburu modura 2021eko ekainean kalean egotea
jarri da. Begiratu behar da posible den, eta edozein modutan,
ekarpenak epe laburrean egin beharko lirateke. Argitaratzeko dauden
aukerak eta jarraitu beharko liratekeen arauak laster argitu behar dira.
3. Kongresua. Puntu honetaz gutxi hitz egin da, argitalpenari
lehentasuna eman zaio eta. 2021ean edo baita 2022ko hasieran antola
liteke.
Hurrengorako zereginak. Egoera berezia dela eta, ez dugu zehaztu
koordinatzaileak noiz batuko diren berriro, baina ahalko balitz,
apirilaren amaieran ondo legoke. Ordurako azpitalde bakoitzak bere
iritzia eman behar du gai hauen inguruan:
1. Gai komun bat talde guztiaren lana barne hartu lezakeena.
Sakontze demokratikoa:.......
2. Argitalpenaren aurrean nolako ekarpenak proposatzen dira
3. Kongresua noizko eta zertarako.
Gogoratu: mens sana in corpore sano (liburuekin era guztietako
ariketak egin daitezke)
Julen
--
Julen Zabalo
Parte Hartuz ikerketa taldea
Euskal Herriko Unibertsitatea (UPV/EHU)
(+34) 945 01 33 13
PartehartuzIT posta zerrendari buruzko
informazio gehiago